唔知點解﹐出黎做野之後﹐身體就一直都有D毛病。我其實生活都好健康下﹐冇食煙﹐冇飲酒﹐每星期打個半鐘籃球﹐午餐同晚餐大部份都係食屋企煮既飯﹐除左細個個時大病過之外﹐一直都冇咩事。但係出黎做野之後﹐身體就不斷有毛病﹐D毛病係突然間咁黎﹐我冇睇醫生﹐跟住又突然間咁好返﹐真係好令人費解。

前幾年個肝有事﹐睇左醫生用左藥﹐冇咩事之後就到皮膚有事﹐好D之後又到消化有問題﹐個時每晚去廁所都好辛苦﹐過一排又冇端端好返﹐跟住就膀頭痛﹐夜晚訓覺會痛到唔可以打側訓﹐一定要打平訓﹐又係過一排就冇事﹐跟住就到隻腳既關節痛﹐又係唔知點解。好返到呢排又覺得有D唔妥﹐今日去睇醫生﹐好彩驗過都好似冇事﹐希望真係冇野啦。

D毛病次次都係一個完左下一個就黎﹐永遠都唔知原因﹐又唔知點解突然間會好返﹐唔通真係間屋風水唔好﹖我不嬲都唔係好信呢D野﹐唔通真係有關﹖