仲有一個禮拜﹐佢就會返黎﹐係呢一刻的確有D興奮﹐雖然大家不斷都有聯絡﹐亦知道佢黑左好多﹐但係可以見返面﹐個感覺真係好唔同。諗返起六個月前﹐當佢出發個陣﹐的確好唔慣一個人既生活﹐但係到左呢兩個月﹐又慢慢覺得冇咩野﹐唔知到佢返黎個時會唔會又唔慣呢﹖

好開心佢完成左一個好多人都唔會做到的事﹐我冇後悔唔同佢一齊去做呢樣野﹐大家選擇既野唔同﹐我會尊重佢既決定﹐凡係佢鍾意做既野﹐我大部份都會支持。分開左咁耐﹐大家又係返埋一齊﹐無論如何﹐我都會珍惜兩個人一齊既時間。