今個新年﹐大部份時間都係陪住sa sa﹐就算係sa妹未出世個陣﹐都覺得sa sa有時會呷醋﹐佢有時會對D公仔發俾氣﹐我覺得係反映一D佢對妹妹既不滿。妹妹第一日返屋企個晚﹐我好少見sa sa一個人係個玩具櫃前面玩波子﹐而唔係叫人同佢玩。所以新年呢幾日﹐我都盡量去佢屋企同佢玩﹐希望佢少D呷妹妹醋﹐年初一帶左佢去外母度拜年﹐雖然抱住佢訓左一個鐘﹐除左熱D之外﹐都冇我想像中咁辛苦﹐初二個日又係抱住佢訓﹐初三就由朝早同佢玩到晏晝。其實我都唔係好知點解佢咁癡我﹐呢幾日同佢玩﹐佢有時會同我講﹐嬸嬸唔係屋企呀﹖我話係呀﹐去左旅行呀﹐佢會話﹐咁咪冇人照顧你囉﹐我話係呀﹐佢就會話﹐咁我照顧你啦﹐真係冧死人。我今日開始要返工﹐要到星期六日先可以再陪佢﹐希望佢可以快D開心返啦。